No Boletín Oficial da Provincia da Coruña número 53 do venres 20 de marzo de 2020 publicouse a convocatoria para a concesión das bolsas de comedor para o curso 2020/2021. Esta convocatoria establece un prazo de 10 días hábiles para que as persoas interesadas presenten as solicitudes.

Debido á situación creada pola pandemia do COVID-19, o Real decreto lei 463/2020, do 14 de marzo, polo que se declara o estado de alarma para a xestión da situación de crise sanitaria ocasionada polo COVID-19, establece na súa disposición adicional terceira a suspensión de termos e interrupción de prazos para a tramitación de procedementos para as entidades do sector público. Desta forma, o prazo para a presentación de solicitudes de bolsa de comedor queda interrompido ata a finalización deste estado de alarma, circunstancia que será obxecto da publicación oportuna.

Máis información: Convocatoria para a concesión das bolsas de comedor curso 2020/2021 (21/03/2020)